成個月無打日記喇.......喱排都真係忙，番工又唔想打，係屋企又唔想打.......星期六補習教波星期日又比賽......仲要見男人.......

上星期好唔開心咁又吵架，星期五練波又比人偷左電話..........

結果琴日陪佢比賽，之後本來同布甸米高waiwai地打麻將.....後尾佢話唔得，我都未知點解，原來因為想大家講清楚.........唔想再咁落去........

其實結果應該點~~大家都好清楚明白...........真係太忙喇.....星期六日又要補習練波補習比賽...佢又可能要番工....咁點見?? 平日我番工佢放假既佢都要休息訓覺啦.........平日夜晚佢要練波練波練波.....我要補習補習補習........邊有得見?? 仲有大家既朋友呢??

琴日先叫做係第三個月一齊..感覺好似拍左好耐咁喇，人地拍拖日日見，我地呢.......係感情唔夠定係咩先??唔想見咩，我唔係law.....佢，我真係唔知.........上個thu咁o岩cq book唔到場，wed先吵完佢電話無電，我搵唔到佢，擔心佢，佢就以為我對佢無信心.......講真，我真係未有咁大既信心，但起碼我心入面真係覺得擔心，仲要米高打黎比我搵佢，話要搵佢，怕唔怕佢有事.....我都真係驚，但可以點?? 真係搵佢唔到.........唯有等law..........結果果晚大家都唔開心，我拎住個電話無聲出...佢拎 住個電話講左40分鐘獨白.....

待續....

昨晚收到一個很令我難過的消息，雖然眼看不見你的不悅，但我明白心裏何其痛楚....身同感受...

我能做的只在鼓勵，如你需要我，我會盡我所能的陪伴在側.............

還記得當初我一臉淚光的站在場中間，你們一聲的鼓勵，一句的支持令我感到無比溫暖，我說過，我不要讓我的朋友感到孤單....有我就會有歡樂..............

我愛我的朋友..................

今朝一早到上環見工，由於長連睡眠不足且放假心切，早上賴床，以至連見工都遲到，約會時間十點，小女子十點零五分到場，哈....笑大我個口，上到去間公司無人..................(o晒咀)打比佢佢答我佢有a bit delay，哈....咁又過一關..................................

一見面當然傾下計，連珠英語爆發..........一去到佢竟然問我駛唔駛飲杯野，有coffee呀水呀咁，叫我自便...........(下) 不過喱個interview in得好舒服，外國人公司真好...........傾下計就當interview，好開心佢對我既英文好滿意，真係多謝你既讚賞，你唔請我我都起碼有野係覺得開心，份工個真正title係乜我唔知，只知係關於marketing + admin，佢想我幫佢sale sixes既tickets，但佢既concern係ot，我答佢我都ok，depends on how late law...咁佢就無出聲，人工，令我滿意哈............可惜既係又係簽約，仲要可能得7個月........至到11月尾，又或者一年又或者兩年，但佢竟然係連喱樣野都未定到，佢mention過佢想要一個reliable既人，笑住咁同我講要可靠，係咪mean覺得我可靠先??哈哈哈yeah~~

佢好爽快咁答我聽日會比到result我，笑言人有人要見，所以聽日先覆到，咁我都話左比佢知我要14個working days inform學校，佢覺得喱個inform有d長，其實我反而覺得短.....咁就答佢其實我仲有8日大假，可以13號番工，但係19要請一日假番番學校last day............希望佢會請我啦~~喱一日都好難等.....好想開開心心咁用喱個有新工請我既心情去泰國............

朋友們請支持我.............

感激思豪一早陪我起身過去見工，仲係正樓下等我，食左個早餐之後就企係個商業大廈樓下等我，我一出門口見到個傻瓜企係度打機等我，一見到面就黎個擁抱。喱個擁抱令我感到萬分溫暖........好開心，原來自己都能夠有個對自己咁好既男朋友，雖然我唔知人地覺得點樣先叫一個好既男朋友，但係我有個咁樣既男朋友經己心滿意足，我覺得咁己經好夠喇.............希望我地能夠一世都係咁甜蜜...........

琴日本來約左d 同學仔食飯，點知個個要做野唔得閒，結果cancel左個gathering....

所以放工去左美孚補習，補完就同思豪食飯，佢話去天后食喇沙，其實我有d唔想去咁遠，因為都真係覺得好攰喇，但係佢都好堅持想去，話唔係好遠，咁最後都去左，佢仲話一定要食埋個豆腐花，結果當然都去埋。勁飽住咁番屋企....

放工之前得知星期五係教師發展日，訓導主任仲同我講話佢幫我cher番d lunch duty變做ot，cher多4日假番黎，我好開心咁食lunch既時候同佢講，因為星期五係兩個月，(我唔知佢記唔記得) ，之前我都知佢話佢星期五要入沙田教波，夜晚要練波，(因為佢沙排又要打QT，今次又唔知去邊比賽)，咁如果唔係約左星期二晚同我屋企人食飯，星期五佢就唔駛練波。

走既時候本來佢話送我番屋企，咁我一向都覺得，如果你無渣車，送完我番屋企你又無車走既，咁為咩要送番去呢?? 反正我之前無拍拖既時候都係一個人番去嫁啦，危咩險呢?所以我地係CWB搭112番到旺角，我叫佢陪我等巴士，之後佢就番屋企。佢番到屋企既時候竟然我都差唔多番到，238X果然係快呀...沖完涼由於我真係好攰好眼訓既關係，所以個頭仲濕我都打算訓，諗住用冷氣吹乾個頭傾多兩句就訓，點知惡夢就開始喇....

我一話用冷氣吹頭就比佢鬧，咁我覺得都抵既，鬼叫自己咁懶咩，之後佢話我又話眼訓，好訓覺喇，咁我話傾多五分鐘，佢都話OK，點知講講下，我都唔記得講到乜，佢就好火咁鬧左我一句，你可唔可以唔好晚晚都要我勞氣得唔得呀? 聽到喱句我唔知點解好唔開心，跟住就話咁收線啦，BYEBYE，咁就不歡而散左喇。(係，佢話咁我聽朝七點三叫你起身啦，我諗我有少少發脾氣咁話唔使喇。因為平時佢唔駛番工我都會叫佢唔駛突登打黎叫我起身，我都係本住喱個心態既，但係可能態度有D發脾氣掛，我都唔知。)

之後我SEND左個SMS比佢話如果咁都係我錯既話我都唔知可以點，同埋叫佢唔駛叫我起身。佢就覆我SMS..如是者都SMS左好一陣子，我都唔知幾耐喇，內容都係話我覺得唔開心覺得嬲，點解咁都係我錯，只不過係想傾多一陣o者。(佢sms我係講sorry，話佢唔識點表達)我一聽到唔識表達覺得好嬲，點解個個男人都係咁，好忟，咩唔識表達，有咩事起上黎都係用喱d咁既藉口....討厭......

最尾都仲係唔開心住咁收場。